كشف زياد حجاج، لاعب منتخب مصر للمصارعة الحرة، تفاصيل هروبه من بعثة منتخب الشباب خلال بطولة العالم التي أقيمت في سلوفاكيا، موضحًا أن قراره جاء بعد ضغوط كبيرة واجهها خلال الفترة الماضية.
اقرأ أيضا: بيراميدز والمصري في لقاء فض الاشتباك بالدوري
وأكد حجاج، في رسالة عبر حسابه على «فيسبوك»: انا اللاعب الدولي زياد حجاج ابو جبل لاعب منتخب مصر للمصارعه الحرة
أنا عايز اقول لابويا وامي ما تزعلوش مني انا عملت كده علشان ابقى في نظر نفسي راجل مش هرجع مصر بلدي الحبيبه إلا وأنا مشرفها.
وتابع زياد حجاج : سامحوني انا تعبت كتير وتعبت ابويا قوي معايا أنا كلفته كتير وهو معاه سبع اخوات غيري وما كنش ينفع غير اني ارجع مصر ومعايا المداليه وإن شاء الله هيحصل حبيت اطمنكم عليا إن شاء الله راجع لمصر وانا بطل ومشرفها.
وواصل المصارع الهارب: بالله عليك يا حاج تسامحني وتدعيلي وأنا حبيت اقول لكل اللي ظلمني وظلم ابويا واخواتي.
وتابع زياد حجاج قائلا: أنا سفروني لوحدي من مطار القاهرة إلى سلوفاكيا وما حدش معايا من البعثه وما كانش في دماغي حاجه واتصلت بيهم وروحت على البطوله ولعبت وانا كنت مصاب في الضلع اليمين واصريت العب علشان احقق حلمي واجيب ميداليه لمصر.
اقرأ أيضا: التموين تستعد لصرف مقررات سبتمبر اعتبارا من الغد.. وطرح 12 سلعة مخفضة بدون بطاقة
واختتم زياد حجاج: انا كل اللي باخده في الشهر 700 جنيه وأنا لاعب دولي هيعملوا ايه ولا ايه ولكن انا المسئول عن القرار ده بعد الضغوط دي كلها ما كنش ينفع ارجع تاني انا اتولدت مصارع وهعيش مصارع رفعت علم مصر وهيفضل مرفوع ان شاء الله سامحوني ابن مصر زياد حجاج ابو جبل.
اقرأ أيضا: ساعة الصفر تقترب.. الإدارة الأمريكية تفقد صبرها وتوجه ضربات موجعة للعمق الإيراني
