سرق تليفون ولما تدخلنا ودفعنا الفلوس رفض يرجعها – اونلي ليبانون

الثلاثاء 07/يناير/2025 – 08:11 ص

كشفت التحقيقات في القضية التي حملت رقم 9906 لسنة 2024 إداري المرج والمقيدة برقم  978 حصر تحقيقات المتهم فيها أبناء عمومة بقتل شاب، أن المتهين أنهوا حياة المجني عليه بطعنة نافذة في الصدر بسبب خلاف على مبلغ مالي 500 جنيه.

المتهم بقتل شاب بالاشتراك مع نجل عمه في المرج

وأمام جهات التحقيق قال المتهم الثاني: اللي حصل أن من 20 يوم المجني عليه كان ممسوك في الشارع بعد ما سرق موبايل والناس بيضربوا فيه، ابن عمي استجدع معاه وقالهم أنا هحل الموضوع وخدوا 500 جنيه حق الموبايل اللي اتسرق وسيبوه وقاله أنا هبقي أخدهم منك أنا استجدعت معاك وحليتك منهم.

وأضاف المتهم الثاني أمام جهات التحقيق: ابن عمي قعد يحاول مع المجني عليه أكتر من مرة علشان ياخد فلوسه وحصلت خناقة بينهم في الشارع بعدها ابن عمي جالي وأنا كلمت ناس ساكنين معاه في المنطقة ويعرفوا بيته وقالولي ده ممعهوش حاجة ومدمن آيس والشقة عنده على البلاط، وبعدها جبنا عتلة معانا وأنا كان معايا مطواة وطلعنا أنا وابن عمي علي بيت المجني عليه، وبعدين هو مرضيش يفتح الباب فكسرناه بالعتلة، وبعدين دخلنا لقيناه مستخبي جوا الشقة، وبعدين نزلنا بيه على الشارع علشان نروح نقعد على القهوة ونحل في الفلوس بتاعته، وابن عمي ضربه في صدره بالمطواة.

وأكمل المتهم أمام جهات التحقيق: وأول ما نزلنا وجينا نركبه على الموتوسيكل لقينا الناس اتلمت علينا في الشارع وبعدين اخدوه مننا وطلبوا الشرطة  وهو ساعتها قعد يطلع في الروح.

وكانت جهات التحقيق المختصة أحالت المتهمين في واقعة مقتل شاب بالمرج بعد أن أنهوا حياته بطعنة نافذة في الصدر، بسبب خلاف على 500 جنيه سددهم المتهم الرئيسي للمجني عليه، بعد سرقته تليفون محمول.